اسلام آباد(نیوزڈیسک)وفاقی دارلحکومت اسلام ٓبادمیں قانون نافذکرنے والے اداروں نے افغان خفیہ ایجنسی کے دوایجنٹوں سمیت چالیس افراد کوگرفتارکرلیاہے ۔ایک نجی ٹی وی چینل کے مطابق اسلام آباد میں سرچ آپریشن کے دوران قانون نافذکرنے والے اداروں نے افغان خفیہ ایجسی کے دوایجنٹوں سمیت چالیس افراد کوگرفتارکرکے خفیہ جگہ پرمنتقل کردیاہے سیکٹرجی نائن سےافغان خفیہ ایجنسی کے 2اہلکاروں کو گرفتار کرلیا گیا ہے۔ ذرائع کے مطابق پولیس، رینجرز اور حساس اداروں نے سیکٹر جی نائن سےافغان خفیہ ایجنسی کے 2اہلکاروں کو گرفتار کرکے نامعلوم مقام پرمنتقل کردیا ہے۔ ذرائع کا کہنا ہے کہ گرفتار کئے گئے دونوں افرادطالبان اور دیگر دہشت گرد تنظیموں سے رابطےکرکےپاکستان میں تخریب کاری کررہےتھے۔ رینجرز،پولیس اورخفیہ اداروں کی مشترکہ کارروائی میں 40افغانی بھی گرفتار کئے گئے ہیں۔ -واضح رہے کہ ایک روزقبل لاہورسے پاکستانی اداروں نے بھارتی خفیہ ایجنسی راکے ایک ایجنٹ کوگرفتارکیاتھا۔