اسلام آباد( مانیٹرنگ ڈیسک)چیئر مین پیپلز پارٹی بلاول بھٹو کی زیر صدارت اسلام آباد میں جاری پہلے پیپلز پارٹی پنجاب کے اجلاس میں اختلافات کھل کر سامنے آگئے ، فیصل آباد ڈویژن کے رہنماﺅں نے شکایات کے انبار لگاتے ہوئے صوبائی صدر منظور وٹو کو ہٹانے کا مطالبہ کردیا ، نجی ٹی وی کے ذرائع کے مطابق پہلے ہی اجلاس میں پیپلز پارٹی کو سخت مخالفت کا سامنا کرنا پڑ رہا ہے، ارکان نے انہیں کہا ہے کہ نااہل قیادت نے پارٹی کو تباہ کردیا ہے ذاتی مفادات کیلئے پارٹی کی قربانی دی جارہی ہے ، ذرائع کے مطابق راجہ ریاض اور دیگر اہم رہنماﺅں کی جانب سے بھی منظور وٹو کی قیادت پر تحفظات طاہر کیے گئے ہیں ، اس سلسلے میں چیئرمین بلال بھٹو زردری نے یقین دہانی کرواتے ہوئے کہا ہے کہ تمام لوگوں کی رائے آنے کے بعد ہی فیصلہ کیا جائے گا ، پارٹی کی کارکردگی بہتر بنانے اور آئندہ الیکشن میں کامیاب حکمت عملی بنانے کیلئے بڑے فیصلے کیے جاسکتے ہیں ، خیال رہے کہ پنجاب میں بلدیاتی انتخابات میں بھرپور طریقے سے حصہ لینے کیلئے بلاول بھٹو زرداری نے پیپلز پارٹی میں اہم تبدیلیاں لانے کا فیصلہ کررکھا ہے