کراچی(نیوزڈیسک)قاتلانہ حملے میں زخمی ہوبے والے متحدہ قومی موومنٹ کے رہنمارشیدگوڈیل 6دن بعد مکمل ہوش میں آگئے ہیں۔ذرائع کے مطابق اتوار ڈی آئی جی ایسٹ منیراحمدشیخ کی سربراہی میں پولیس حکام نے لیاقت نیشنل اسپتال میں رشید گوڈیل سے ملاقات کی ہے ۔ملاقات میں رشید گوڈیل نے پولیس حکام کو حملے سے متعلق ابتدائی معلومات فراہم کی ہیں۔پولیس کے مطابق رشید گوڈیل نے گفتگوکے دوران بہت دھیمے لہجے میں بات کی ہے۔پولیس حکام کے مطابق رشیدگوڈیل کا یہ بیان مقدمے کا بیان نہیں ہے۔پولیس کے مطابق رشید گوڈیل نے بتایا کہ وہ اپنی اہلیہ کے ہمراہ ڈیفنس سے بہادرآبادآرہے تھے کہ اچانک گاڑی پر فائرنگ ہوگئی ،جس سے وہ شدید زخمی ہوگئے۔ڈرائیورمددکوآیاتووہ گرگیااس کے بعد کچھ پتہ نہیں کیا ہوا۔واضح رہے کہ رشید گوڈیل پربہادرآباد کے قریب 6روزقبل نامعلوم موٹرسائیکل سواروں نے فائرنگ کردی جس کے نتیجے میں رشید گوڈیل شدید زخمی جبکہ ان کا ڈرائیور عبدالمتین جاں بحق ہوگیا تھا۔