اسلام آباد (آن لائن)”ایان علی کے استادوں نے ایک اور”چال“چل دی“ خوبرو ماڈل ایان علی نے عدالت عالیہ میں آرٹیکل 199 کے تحت درخواست دائر کرنے کا فیصلہ کیا ہے جس میں موقف اختیار کیا جا رہا ہے کہ وہ اس ملک کی شہری ہیں جس کے حقوق کا تحفظ کرنا ریاست کی ذمہ داری ہے۔ انہیں تاحال کسی عدالت نے کسی مقدمے میں کوئی سزا نہیں سنائی ہے کہ جس کی وجہ سے انہیں مجرم سمجھ کر اس کی ذاتی زندگی میں رکاوٹیں ڈالی جائیں۔ ذرائع نے آن لائن کوبتایا ہے کہ خوبرو ماڈل ایان علی نے اپنے وکلاءکو ہدایت کی ہے کہ فوری طور پر ایک درخواست تیار کر کے سندھ ہائی کورٹ اور لاہور ہائی کورٹ میں دائر کی جائے جس میں ان کی بنیادی حقوق کا معاملہ اٹھایا جائے درخواست رواں ہفتے دائر کر دی جائے گی۔