اسلام آباد(نیوز ڈیسک)نیب سندھ نے سرکاری عہدے کا ناجائز استعمال اور سرکاری خزانے میں خوردبرد کرنے والے 283 سرکاری افسران کے خلاف تحقیقات شروع کر دی ہے۔تفصیلات کے مطابق نیب سندھ نے سرکاری عہدے کے ناجائز استعمال ، سرکاری فنڈز اور خزانے میں خورد برد کرنے والے 283 سرکاری افسران کے خلاف تحقیقات شروع کر دی ہیں۔ذرائع کے مطابق افسران نے لیاری ڈیولپمنٹ پروجیکٹ میں ایک ارب اور سندھ بلڈنگ اتھارٹی میں پانچ ارب روپے کی خوردبرد کی ہے۔سرکاری افسران نے ترقیاتی فنڈز اور سندھ یونیورسٹی کے فنڈز کے علاوہ سکالر شپ میں بھی اختیارات کا ناجائز استعمال کیا ہے ، نیب نے اہم سرکاری عہدوں پر فائز افسران کے خلاف انکوائری شروع کر دی ہے۔