اسلام آباد(نیوزڈیسک)پنجاب اورسندھ میں ابھی تک بلدیاتی انتخابات کاانعقاد نہیں کیا۔ پاکستان مسلم لیگ(ن) کی پنجاب میں حکومت ہے اوروزیراعلی شہبازشریف جبکہ سندھ میں پاکستان پیپلزپارٹی کی حکومت ہے اوروزیراعلی سندھ سیدقائم ہی شاہ ہیں لیکن ابھی تک دونوں صوبے بلدیاتی انتخابات نہیں کرسکے ہیں جبکہ خیبرپختونخوا میں بلدیاتی انتخابات کے بعد مقامی حکومتوں کے سربراہوں کی تقررکی تیاریاں بھی کی جارہی ہیں ۔اس سلسلے میں تحریک انصاف کے چیرمین عمران خان نے جمعہ کے روزخیبرپختونخوامیں ناظمین اورنائب ناظمین کے انٹرویوزکئے ۔پی ٹی آئی کے ترجمان نعیم الحق کے مطابق پاکستان تحریک انصاف کے چیرمین عمران خان نے 52امیدواروں کے انٹرویوزکئے ہیں ۔نعیم الحق کے مطابق منتخب امیدواروں کی فہرست جلد آویزاں کردی جائے گی ۔واضح رہے کہ خیبرپختونخوامیں پاکستان تحریک انصاف نے بلدیاتی انتخابات میں واضح برتری حاصل کی ہے جس کے بعد اب مختلف اضلاع اورتحصیلوں کے لئے ناظمین اورناظمین کاانتخاب ہوناہے اورسپریم کورٹ کے احکامات کے مطابق یہ بلدیاتی انتخابات جماعتی بنیادوں کرائے گئے ۔اب تک بلوچستان اورخیبرپختونخوامیں بلدیاتی انتخابات ہوچکے ہیں تاہم پنجاب اورسندھ میں بلدیاتی انتخابات ہوناباقی ہے ۔