کراچی(نیوز ڈیسک)سندھ حکومت نے ریلوے کی 600ایکڑ زمین اونے پونے بیچ دی گئی،30ارب سے زائد کی زمین دوستوں میں بانٹ دی گئی جس کا وزیر ریلوے خواجہ سعد رفیق نے نوٹس لے لیا ہے۔نجی ٹی وی کے مطابق سندھ حکومت کی جانب سے ریلوے کی 600ایکڑ زمین اونے پونے بیچنے کا انکشاف ہوا ہے،سندھ میں سرکلر ریلوے کی زمین پر چائنا کٹنگ کی جا رہی ہے۔سندھ حکومت نے ریلوے کی 30ارب سے زائد مالیت کی 600ایکڑ زمین دوستوں میں بانٹ دی ہے جس میں گلشن، گلستان جوہر، سائٹ پورٹ قاسم اور قائد آباد ریلوے اسٹیشن کی زمین شامل ہے۔وفاقی وزیر ریلوے خواجہ سعد رفیق نے ریلوے کی زمین بیچنے کا نوٹس لیتے ہوئے سندھ حکومت کو خط لکھا ہے کہ ریلوے کی زمین فوراٰٰ الاٹمنٹ منسوخ کر کے واپس لی جائے۔