لاہور (نیوزڈیسک ) امیرجماعت الدعوة حافظ محمد سعید کی جانب سے بھارتی فلم ” فینٹم” کی پاکستان میں نمائش کو لاہور ہائیکورٹ میں چیلنج کر دیا گیا ہے۔ امیرجماعت الدعوة حافظ محمد سعید کی جانب سے لاہور ہائیکورٹ میں دائر کی جانیوالی درخواست میں موقف اختیار کیا گیا ہے کہ بھارتی فلم “فینٹم ” پاکستان کے خلاف بنائی گئی ہے۔ اس متنازعہ فلم کی ریلیز سے پاکستان میں انارکی پھیلنے کا خدشہ ہے۔ عدالت سے استدعا ہے کہ پاکستان میں بھارتی فلم “فینٹم” کی نمائش روکنے کا حکم جاری کیا جائے۔ بھارتی فلم اٹھائیس اگست کو پاکستان میں ریلیز ہو رہی ہے۔