کراچی (نیوزڈیسک)پاک چین اقتصادی راہداری منصوبے پر کام کرنے والے چینی ماہرین کی کراچی میں سیکیورٹی موثر بنانے کے لیے حکمت عملی تیار کرلی گئی ہے۔ پلان کے مطابق چینی ماہرین کی بائیو میٹرک رجسٹریشن کی جائے گی غیر ملکی مہمانوں کو انگریزی اور چینی زبان میں حفاظتی تدابیر سے متعلق کتابچہ بھی دیا جائےگا چینی ماہرین کنکریٹ کی دیوار کے اندر رہ کر کام کریں گے جبکہ کنکریٹ کی دیواروں پر خاردار تاریں اور فلڈ لائٹس لگائی جائیں گی دیواروں پر تین سو ساٹھ ڈگری تک گھومنے والے خفیہ کیمرے بھی نصب کیے جائیں گے چینی کمپنی کے ساتھ کام کرنے والے مزدوروں کی روزانہ کی بنیاد پر کلیئرنس کروائی جائے گی۔ چینی ماہرین کو ایس ایم ایس پر ایڈوائزری اور الرٹ جاری کیا جاسکے گا۔