مردان (نیوزڈیسک) بجلی کی طویل لوڈشیڈنگ کےخلاف مردان میں مظاہرہ ،مظاہرین نے 220کے وی کے گرڈ سٹیشن کوآگ لگادی ہے ۔مظاہرین کے مطابق خیبرپختونخوا کے چاراضلاع چارسدہ ،صوابی ،مردان ، نوشہرہ میں بجلی کی طویل لوڈشیڈنگ کی وجہ سے مظاہرین نے گرڈ سٹیشن پرحملہ کردیااوراس کے بعد گرڈتباہ ہوگیاہے اورعلاقہ اندھیرے میں ڈوب گیاہے جبکہ وزارت پانی وبجلی کے اعلامیہ کے مطابق
صوبائی حکومت سے ملزمان کی گرفتاری کے لئے رابطہ کیاہے ۔مردان کے علاقے رشکئی میں یہ واقعہ پیش آیا۔ مردان کے علاقے رشکئی میں بجلی کی طویل لوڈشیڈنگ پر شہری سراپا احتجاج بن گئے۔ ڈنڈا بردار مظاہرین نے مردان شہر کی طرف مارچ کرتے ہوئے 220 کے وی گرڈ اسٹیشن پر دھاوا بول دیا اور گرڈ اسٹیشن میں توڑ پھوڑ کی جس سے کروڑوں روپے کی مشینری کو نقصان پہنچا ۔ مظاہرین نے ریکارڈ بھی جلا دیا اور گرڈ اسٹیشن کے احاطے میں کھڑی گاڑیوں کے شیشے بھی توڑ دیئے۔ پولیس نے مظاہرین کو منتشر کر کے حالات پر قابو پایا۔ ترجمان وزارت پانی و بجلی کا کہنا ہے کہ گرڈ اسٹیشن پر حملے سے مردان، مالاکنڈ، صوابی اور سوات میں بجلی کی سپلائی معطل ہو گئی۔ متاثرہ علاقوں میں بجلی کی بحالی کیلئے کوششیں جاری ہیں۔ – بجلی زیادہ چوری کی جاتی ہے جس کی وجہ سے لوڈشیڈنگ کی گئی ۔انہوں نے کہاکہ ملزمان کوجلد گرفتارکرلیاگیا۔