لاہور(آن لائن)پنجاب میں ممکنہ بلدیاتی الیکشن میں پاکستان پیپلز پارٹی کے متوقع امیدواروں نے ”مفاہمتی پالیسی“ کو ایک سائیڈ پر رکھ کر حکمران جماعت ن لیگ کو رگڑا دینا شروع کر دیا ہے۔پنجاب کے متعدد اضلاع میں امیدواروں نے یونین کونسل سطح پر علاقے تقسیم کر کے انتخابی مہم کا آغاز کر دیا ہے تاہم نئی حکمت عملی کے تحت پیپلز پارٹی کے نمائندہ لوڈشیڈنگ کے اوقات کے دوران ووٹرز کے گھروں میںجاتے اور لوڈشیڈنگ سمیت متعدد مسائل پر ن لیگ کو ”اصلاح“ کے نام پر شدید تنقید کا نشانہ بناتے ہیں۔