کراچی(نیوزڈیسک)پرائیوٹ اسکولوں کی نمائندہ تنظیموں نےحکومت سندھ کی جانب سے موسم گرما کی تعطیلات میں اضافے کے فیصلے کو مسترد کردیا۔آل پرائیوٹ اسکول مینجمنٹ ایسوسی ایشن کا کہنا ہے کہ کراچی کے تمام نجی اسکول پیر 3 اگست سے کھولے جائیں گے، کراچی سمیت جن اضلاع میں سیلابی صورتحال نہیں ہے وہاں تدریس کا آغاز 3اگست سےکیاجائے۔ واضح رہے کہ سندھ حکومت نے بارشوں اور سیلابی صورت حال کی وجہ سے سندھ بھر کے اسکولوں اور کالجوں کی تعطیلات میں ایک ہفتے کا اضافہ کرتے ہوئے انہیں 11اگست سے کھولنے کا اعلان کیا ہے۔