اسلام آباد(نیوزڈیسک) پارلیمنٹ ہاؤس کے باہر میڈیا سے گفتگو کرتے ہوئے طلال چودھری نے کہا کہ عمران خان نے انکوائری کمیشن رپورٹ کے بعد دانستہ طور پر عدلیہ مخالف بیان بازی شروع کر دی۔ پہلے افتخار چودھری اور فخرو بھائی کی تعریفیں کرتے رہے بعد میں دونوں شخصیات کے ساتھ جو کیا سب نے دیکھا۔ طلال چوہدری نے کہا کہ آر اوز کیخلاف لکھا گیا خط واضح کرتا ہے کہ عمران خان عدلیہ مخالف مہم کی قیادت کر رہے ہیں۔ تحریک انصاف ٹوٹ پھوٹ کا شکار ہے عمران خان کو روز روز شرمندہ نہیں کرنا چاہتے۔ ہمیشہ ن لیگ تحریک انصاف کو فیس سیونگ نہیں دے سکتی .طلال چودھری نے کہا ہے کہ تحریک انصاف نے صرف بیانات کی حد تک انکوائری کمیشن کی رپورٹ تسلیم کی۔ عمران خان نے کل ایک اور جوڈیشل کمیشن کا مطالبہ کر دیا ۔ ہمیشہ ن لیگ تحریک انصاف کو فیس سیونگ نہیں دے سکتی۔