اسلام آباد (نیوزڈیسک)صدر ممنون حسین نے کہا ہے کہ دہشت گردی کے خاتمے تک آپریشن ضرب عضب جاری رہے گا ,اپنی جانوں کے نذرانے پیش کرنے والے جوانوں اور عوام کی قربانیاں را ئیگاں نہیں جائیں گی۔صدر مملکت ممنون حسین سے پاک فضائیہ اور پاک بحریہ کے سربراہان نے عید کے روز یہاں ایوان صدر میں ملاقات کی اور انہیںعید کی مبارک باد دی۔ صدر مملکت نے پاک بحریہ کے سربراہ ایڈمرل محمد ذکاءاللہ اور پاک فضائیہ کے سربراہ ایئرچیف مارشل سہیل امان سے ملاقات میںدہشت گردوں سے نبرد آزما سیکورٹی فورسز کے جوانوں کی قربانیوں کو سراہا۔ انہوں نے شہیدوں کےلئے بلندی درجات کی دعا کی۔صدر مملکت ممنون حسین نے کہا کہ دہشت گردی کے خاتمے تک آپریشن ضرب عضب جاری رہے گا۔ انہوں نے کہا کہ دہشت گردی کے خلاف جنگ میں اپنی جانوں کے نذرانے پیش کرنے والے جوانوں اور عوام کی قربانیاں را ئیگاں نہیں جائیں گی۔