سلام آباد(نیوز ڈیسک) وزیراعظم نواز شریف نے خواجہ آصف کی تحریک انصاف کے خلاف تقریر پر برہمی کا اظہار کیا اور کہا ہے کہ ہر ایشو پر اپوزیشن کو ساتھ لے کر چلنا ہے۔ تفصیلات کے مطابق وزیراعظم نواز شریف نے خواجہ آصف کو وقفہ نماز کے دوران اپنے پاس بلایا اور غصے کا اظہار کیا۔ انہوں نے خواجہ آصف نے کہا کہ انہیں پی ٹی آئی کے استعفوں کا معاملہ نہیں چھیڑنا چاہئے تھا، تمام اپوزیشن کی تنقید کو برداشت کرنا ہے اور ہر ایشو پر اپوزیشن کو ساتھ لے کر چلنا ہے۔ وزیراعظم نے کہا کہ ایوان میں ایسی بات نہ کی جائے جس سے ماحول خراب ہو کیونکہ معاملات کو افہام و تفہیم سے حل کرنا چاہئے اس لئے ایوان کے ماحول کو کشیدہ نہ بنایا جائے۔