کراچی ( نیوزڈیسک ) ایم کیو ایم کے مرکز نائن زیرو پر رینجرز کی جانب سے چھاپہ مارا گیا جب کہ اس کاروائی کے دوران ایم کیو ایم کے کارکن وقاص شاہ اندھی گولی لگنے کے باعث جاں بحق ہو گئے۔متحدہ قومی موومنٹ کی جانب سے اس واقعے کے خلاف کسی یوم سوگ کا اعلان نہیں کیا گیا اور نہ ہی کسی باقاعدہ ہڑتال کی دعوت دی گئی ہے لیکن اس کے باوجود کراچی بھر کے تمام سکولوں کو بند رکھنے کا فیصلہ کیا گیا ہے۔پرائیوٹ سکول مینجمنٹ ایسوسی ایشن کی جانب سے اعلان کیا گیا ہے کہ کراچی کی کشیدہ صورتحال کے پیش نظر سکول نہیں کھولے جا سکتے جبکہ تمام پرائیوٹ سکولوں میں ہونے والے سالانہ پرچے بھی ملتوی کر دیے گئے ہیں