لالہ موسیٰ( نیوز ڈیسک ) لالہ موسیٰ جی ٹی روڈ پر واقع لنڈابازارمیں پیر کو علی الصبح پراسرارطورپرآگ بھڑک اٹھی،دیکھتے ہی دیکھتے آگ نے پورے بازارکو اپنی لپیٹ میں لے لیا،فائربریگیڈ کے بروقت نہ پہنچنے سے بازار میں واقع سوسے زائددکانیں مکمل طو رپر جل گئیں ‘ ان میں موجود کروڑوں کا سامان جل کرراکھ بن گیا، لنڈا بازارسے پانچ سو گزکے قریب تھانہ ہونے کے باوجود آگ بجھانے کیلئے کوئی خاطرخواہ انتظامات نہ ہوسکے ،رابطہ کرنے پرایس ایچ او تھانہ سٹی لالہ موسیٰ نے کہاکہ ہم لوگوں کو بلاتے رہے ہیں لیکن کوئی مددکو نہیں آیا،صرف پولیس کی ہی ذمہ داری نہیں لوگوں کو اس نیک کام میں آگے بڑھناچاہئے ،جب اس موقعہ پر ایس ایچ او سے پوچھاگیاکہ لوگ اسے شرارت قراردے رہے ہیں اور آپ کہتے ہیں کہ شارٹ سرکٹ سے آگ لگی ہے تو ایس ایچ او نے بڑے سخت لہجے میں کہاکہ میں اسے شارٹ سرکٹ نہ کہوں تو اور کیا دہشتگردی کہوں ،یہاںیہ امربھی قابل ذکرہے کہ لنڈابازارمیں کل افغانیوں کی گرفتاری کے سلسلہ میں ریڈبھی ہواتھا اور 20کے قریب افغانیوں کو پولیس نے حراست میں بھی لیاتھا،جبکہ یہ بھی بتایاجاتاہے کہ اس جگہ کے مالکان نے پٹھانوں کو یہ جگہ 26فروری کو خالی کرنے کا بھی نوٹس دیاہواتھا،اس جگہ کا تنازعہ جہلم کی راجہ برادری اور مقامی کاروباری شخصیت کے درمیان چل رہاہے،تاہم اصل حقائق آئندہ چندروزمیں واضح ہوجائیں گے۔