اتوار‬‮ ، 08 ستمبر‬‮ 2024 

41 دن کی مہمان حکومت نے بدترین بجٹ پیش کرکے قوم کو دھوکا دیا، سراج الحق

datetime 11  جون‬‮  2023
ہمارا واٹس ایپ چینل جوائن کریں

راولپنڈی (این این آئی) امیر جماعت اسلامی سراج الحق نے کہا ہے کہ 41 دن کی مہمان حکومت نے بدترین بجٹ پیش کرکے قوم کو دھوکا دیا ہے۔آرٹس کونسل میں جماعت اسلامی کے زیر اہتمام منعقدہ انتخابات 2023ء صوبائی کنونشن سے خطاب کرتے ہوئے سراج الحق نے کہاکہ ہماری حکومتوں نے ہر وہ کام کیا جس کی ہدایت آئی ایم ایف نے دی۔ بجٹ کے کل حجم کا 7.4 سود اور سودی قرضوں کے لیے ہے۔

حکومت نے کوئی انقلابی فیصلہ نہیں کیا۔ 13 فیصد سے شرح سود 21 فیصد پر لے گئے۔ قرضے لینے کے لیے ہر بار نئی تاریخ رقم کی گئی ہے۔ 24 کروڑ عوام کا ملک قرضوں کے بوجھ تلے دبا دیا گیا۔انہوں نے کہا کہ پیپلز پارٹی، ن لیگ اور پی ٹی آئی کو 100 سال بھی ملیں تو یہ پاکستان کو روانڈا بنا سکتے ہیں مگر ترقی نہیں دے سکتے۔قومی اسمبلی میں مزدور اور غریب کی نمائندگی جاگیردار اور وڈیرے کرتے ہیں۔سراج الحق نے کہا کہ ہمیں اللہ نے موقع دیا تو ہم سودی نظام کو دفن کردیں گے۔

عشر اور زکوٰۃ کا نظام قائم کریں گے۔امیرِ جماعت نے کہا کہ آج 3 کروڑ بچے تعلیم سے محروم ہیں،حکومت بتائے انہیں تعلیم دینے کیلئے کیا منصوبہ ہے۔ کیا سودی نظام کے بجائے مائیکرو فنانسنگ کا نظام نہیں لایا جاسکتا۔بلوچستان بارود کے ڈھیر پر ہے۔ خیبر پختونخوا میں روز لاشیں گرتی ہیں، امن کون قائم کرے گا۔ انہوںنے کہاکہ ہماری عدالتوں کے جج خود اعتراف کرتے ہیں ہم انصاف نہیں کر سکتے،ہماری عدالتوں میں سلیکٹڈ انصاف ہو رہا ہے۔

سراج الحق نے کہا کہ پاناما لیکس کیس میں کل سپریم کورٹ گیا تھا۔ 5، 6 سال سے کہہ رہا ہوں 436 لوگوں کا احتساب چاہتا ہوں،پاکستان میں احتساب نام کی کوئی چیز نہیں ہے۔کنونشن سے لیاقت بلوچ نے کہا کہ چند خاندان اسٹیبلشمنٹ کے آلہ کار بن کر پاکستان کی سیاست کو برباد کررہے ہیں،ہمارے ملک کی اسٹیبلشمنٹ کو بالا دستی کا شوق ہمیشہ رہا ہے،بیرونی اسٹیبلشمنٹ کا ہدف پاکستان کی بربادی ہے۔

انتخابات اور نئی ووٹر لسٹ ایک گورکھ دھندہ بنا دیا گیا ہے۔انہوں نے کہا کہ 9 مئی کے سانحات نے پاکستان کی سیاست کو یکسر بدل دیا ہے۔ انہوںنے کہاکہ سیاسی لیڈر شپ ہٹ دھرمی اور ضد کو ختم کرکے مسائل کا حل تلاش کریں۔انہوںنے کہاکہ اداروں میں تصادم کی کیفیت ہے،عدلیہ کو آزاد ہونا چاہیے، اس کے فیصلوں نے عوام کو پریشان کردیا ہے۔ انہوںنے کہاکہ چیف جسٹس آف پاکستان کو اپنی ضد اور انا ختم کرکے ملک کو بحرانوں سے نکالنا ہوگا،ملک کے حالات جتنے خراب ہو جائیں، حل صرف انتخابات میں ہے۔

موضوعات:



کالم



سٹارٹ اِٹ نائو


ہماری کلاس میں 19 طالب علم تھے‘ ہم دنیا کے مختلف…

میڈم چیف منسٹر اور پروفیسر اطہر محبوب

میں نے 1991ء میں اسلامیہ یونیورسٹی بہاولپور سے…

چوم چوم کر

سمون بائلز (Simone Biles) امریکی ریاست اوہائیو کے شہر…

نیویارک کے چند مشاہدے

نیویارک میں چند حیران کن مشاہدے ہوئے‘ پہلا مشاہدہ…

نیویارک میں ہڈ حرامی

برٹرینڈ رسل ہماری نسل کا استاد تھا‘ ہم لوگوں…

نیویارک میں چند دن

مجھے پچھلے ہفتے چند دن نیویارک میں گزارنے کا…

لالچ کے گھوڑے

بادشاہ خوش نہیں تھا‘ وہ خوش رہنا چاہتا تھااور…

جنرل فیض حمید کیا کیا کرتے رہے؟(آخری حصہ)

میں یہاں آپ کو ایک اور حقیقت بھی بتاتا چلوں‘…

جنرل فیض حمید کیا کیا کرتے رہے؟

جنرل قمر جاوید باجوہ نے 29 نومبر 2016ء کو آرمی چیف…

سپیشل ٹیلنٹ یونٹ

نیویارک کے مہنگے اور پوش علاقے مین ہیٹن میں پارسنز…

شاہد صدیق قتل کیس

شاہد صدیق لاہور کے ارب پتی بزنس مین اور سیاسی…