واشنگٹن (نیوز ڈیسک) امریکا کے نائب صدر جے ڈی وینس ایران سے متعلق ممکنہ امن مذاکرات کے سلسلے میں ایک اعلیٰ سطحی امریکی وفد کے ہمراہ پاکستان کے لیے روانہ ہو چکے ہیں،
اور توقع ہے کہ وہ آئندہ چند گھنٹوں میں پہنچ جائیں گے۔ امریکی اخبار نیویارک پوسٹ کے مطابق صدر ڈونلڈ ٹرمپ نے اس پیش رفت کی تصدیق کرتے ہوئے کہا کہ یہ وفد خطے میں جاری کشیدگی کے تناظر میں اہم سفارتی بات چیت کے لیے پاکستان جا رہا ہے۔ ان کا کہنا تھا کہ ان مذاکرات سے مثبت نتائج کی امید کی جا رہی ہے۔
صدر ٹرمپ نے مزید کہا کہ اگر ان بات چیت کے دوران کوئی بڑی پیش رفت سامنے آتی ہے تو وہ خود بھی ایران کی اعلیٰ قیادت سے ملاقات کے لیے تیار ہیں، جسے سفارتی سطح پر ایک اہم قدم تصور کیا جا رہا ہے۔
