اسلام آباد (نیوز ڈیسک)امریکی صدر ڈونلڈ ٹرمپ نے اپنے تازہ بیان میں کہا ہے کہ امریکا اپنی عسکری طاقت استعمال کرتے ہوئے آبنائے ہرمز کو دوبارہ کھلوانے کی صلاحیت رکھتا ہے۔
انہوں نے ایران کی توانائی تنصیبات پر قبضے کا عندیہ بھی دیا ہے۔سوشل میڈیا پلیٹ فارم ٹروتھ سوشل پر جاری اپنے پیغام میں ٹرمپ کا کہنا تھا کہ امریکا جلد ہی بآسانی آبنائے ہرمز کو کھول سکتا ہے، تیل کے ذخائر پر کنٹرول حاصل کر سکتا ہے اور اس سے بڑے مالی فوائد حاصل کیے جا سکتے ہیں۔انہوں نے اپنے بیان کے اختتام پر سوالیہ انداز اپناتے ہوئے کہا کہ کیا یہ صورتحال پوری دنیا کے لیے تیل کی فراوانی کا سبب بن سکتی ہے۔
