اسلام آباد (نیوز ڈیسک) — متحدہ عرب امارات میں قائم پاکستانی سفارت خانے اور قونصل خانوں کی خدمات عارضی طور پر بند کر دی گئی ہیں،
جس سے متعلق باضابطہ اعلامیہ جاری کر دیا گیا ہے۔میڈیا رپورٹس کے مطابق ابوظبی میں پاکستانی سفارت خانے نے اعلان کیا ہے کہ یو اے ای میں سفارتی اور قونصلر سروسز 3 مارچ تک معطل رہیں گی۔ اعلامیے میں بتایا گیا ہے کہ یہ فیصلہ پاکستانی برادری کی حفاظت کو مدنظر رکھتے ہوئے احتیاطی اقدام کے طور پر کیا گیا ہے۔سفارت خانے نے واضح کیا ہے کہ قونصلر خدمات کی بحالی کے بارے میں نئی تاریخ بعد میں جاری کی جائے گی۔ ساتھ ہی متحدہ عرب امارات میں مقیم پاکستانی شہریوں کو ہدایت کی گئی ہے کہ وہ مقامی حکومت کی جاری کردہ ہدایات پر مکمل عمل کریں۔
قونصلیٹ کی جانب سے جاری بیان میں یہ بھی کہا گیا ہے کہ کسی ہنگامی صورتحال کی صورت میں شہری فوری طور پر قونصل خانے سے رابطہ کریں اور غیر ضروری سفر یا نقل و حرکت سے گریز کریں۔
