واشنگٹن (مانیٹرنگ ڈیسک)  امریکی صدر ڈونلڈ ٹرمپ نے انکشاف کیا ہے کہ بھارت اور پاکستان جنگ بندی پر آمادگی ظاہر کر چکے ہیں۔

سماجی رابطے کی ویب سائٹ پر جاری اپنے پیغام میں صدر ٹرمپ نے بتایا کہ امریکی کردار کے تحت دونوں ممالک فوری سیزفائر پر رضامند ہوگئے ہیں۔

انہوں نے کہا کہ پاکستان اور بھارت نے مکمل جنگ بندی کے فیصلے پر اتفاق کیا ہے، جس کے لیے دونوں ممالک کو مبارکباد دی جاتی ہے۔

صدر ٹرمپ کا مزید کہنا تھا کہ دونوں فریقین نے کشیدگی کم کرنے کے لیے سنجیدگی اور عقلمندی کا مظاہرہ کیا ہے، جو قابل تحسین اقدام ہے۔