اسلام آباد(این این آئی)نومئی جلاؤ گھیراؤ مقدمات میں جے آئی ٹیز نے تفتیش مکمل کرلی۔ رپورٹ میں فواد چوہدری، علیمہ خان،عظمی خان سمیت تمام ملزمان کو قصور وار قرار دیا۔تفصیلات کے مطابق 9 مئی جلاؤ گھیراؤ سے متعلق جیآئی ٹیز نے مقدمات کی تفتیش مکمل کرلی۔ رپورٹ کے مطابق علیمہ خان، عظمیٰ خان سمیت تمام ملزمان قصور وار ہیں۔عدالت نے تمام ملزمان کو حتمی دلائل کے لیے طلب کرلیا۔
عدالت نے عبوری ضمانتوں میں7دسمبر تک توسیع کردی۔علاوہ ازیں علیمہ خان،عظمی خان کی1روزہ حاضری معافی کی درخواست منظور کرلی۔ اے ٹی سی عدالت کے جج ارشد جاوید نے عبوری ضمانتوں پر سماعت کی۔عدالت نے کہا کہ ایک روزہ حاضری معافی آخری بار منظور کررہا ہوں۔ دوران سماعت پراسیکیوٹر نے کہا کہ آج ملزمان کی راولپنڈی اوراسلام آباد کی عدالتوں میں کیسزہیں۔فواد چوہدری، مسزمزمل مسعود بھٹی سمیت دیگرعدالت میں پیش ہوئے۔
