اسلام آباد (این این آئی) صدر مملکت ڈاکٹرعارف علوی نے 9 اگست کو 13 بلز پر اعتراض کرکے واپس بھجوائے۔ صدر مملکت نے آرمی ایکٹ اور آفیشل سیکرٹ ایکٹ پر کوئی اعتراض نہیں لکھا جبکہ آئین کے مطابق صدر مملکت کو اعترضات لکھ کر بل واپس کرنا ہوتا ہے۔

نجی ٹی وی کیمطابق اگر صدر منظور یا اعتراض نہیں کرتا تو بل منظور تصور ہوتا ہے، صدر مملکت نے کوڈ آف کرمنل پروسیجر ترمیمی بل واپس بھجوایا، ڈاکٹر عارف علوی نے نیشل اسکلزیونیورسٹی ترمیمی بل، امپورٹ ایکسپورٹ ترمیمی بل اور ہائیر ایجوکیشن کمیشن ترمیمی بل بھی واپس بھجوائے۔صدر نے صحافیوں اور میڈیا پروفیشنلز کے تحفظ کا بل اور نیوزپیپرز،نیوزایجنسیزاینڈ بکس رجسٹریشن بل بھی واپس بھجوادیا۔