اسلام آباد (نیوز ڈیسک)وفاقی حکومت نے بانی پی ٹی آئی عمران خان کو اسپتال منتقل کرنے سے

متعلق عدالتی حکم کے خلاف ایک بار پھر نظرثانی کی درخواست دائر کردی ہے۔

ذرائع کے مطابق چیف کمشنر اسلام آباد کی جانب سے نئی متفرق نظرثانی درخواست جمع کرائی گئی ہے۔ اس سے قبل رجسٹرار آفس کی جانب سے درخواست پر جو اعتراضات عائد کیے گئے تھے، انہیں دور کرنے کے بعد نظرثانی کی نئی درخواست دائر کی گئی۔

درخواست میں مؤقف اختیار کیا گیا ہے کہ عمران خان کو اسپتال منتقل کرنے سے متعلق 18 اگست کے عدالتی فیصلے میں بعض قانونی سقم موجود ہیں۔ حکومت کا کہنا ہے کہ فیصلے میں جیل رولز کو مناسب طور پر مدنظر نہیں رکھا گیا، جبکہ مرکزی مقدمے میں وفاقی حکومت کو باقاعدہ فریق بھی نہیں بنایا گیا۔

حکومت نے عدالت سے استدعا کی ہے کہ متفرق درخواست منظور کرتے ہوئے نظرثانی کی اجازت دی جائے اور 18 اگست کو جاری کیے گئے فیصلے پر دوبارہ غور کیا جائے۔