کابل (این این آئی) مزار شریف جیل میں قید پاکستانی شہری بہرام شاہ جاں بحق ہو گیا۔تفصیلات کے مطابق پاکستانی شہری بہرام شاہ مزار شریف جیل جاں بحق ہو گیا۔بہرام شاہ کو افغان پولیس نے4مئی کو افغان شہری کی شکایت پر حراست میں لیا تھا، افغان جیل حکام کے مطابق بہرام شاہ دل کا مریض تھا اورڈاکٹرز نے اسے آپریشن تجویز کیا ہواتھا اور فوری رہائی کی تجویز دی تھی۔

میڈیا رپورٹ کے مطابق بہرام شاہ نے کسی کی گارنٹی لی تھی اور وہ ادائیگی کرانے میں ناکام رہے تھے۔افغان جج نے رہائی کیلئے دوسرا گارنٹر پیش کرنے کا غیرانسانی و غیرقانونی حکم دیا ہوا تھا جس کے باعث اس کی رہائی ممکن نہیں ہوسکی تھی۔