اسلام آباد(نیوزڈیسک)انسداد دہشتگردی عدالت نے جوڈیشل کمپلیکس حملہ کیس میں تحریک انصاف کے صدر چودھری پرویز الٰہی کی ضمانت منظور کرلی۔نجی ٹی وی چینل کے مطابق اے ٹی سی میں جوڈیشل کمپلیکس حملہ کیس میں چودھری پرویز الٰہی کی درخواست ضمانت پر سماعت ہوئی، انسداد دہشتگردی عدالت کے جج ابوالحسنات ذوالقرنین نے سماعت کی ۔

عدالت نے چودھری پرویز الٰہی کی ضمانت منظور کرلی،پرویز الٰہی کی 20ہزار کے ضمانتی مچلکوں کے عوض ضمانت منظور کی گئی ،عدالت نے کہاکہ پرویز الٰہی سے دوران ریمانڈ کچھ برآمد نہیں ہوا،ملزم سے مزید تفتیش بھی نہیں ہوئی، اے ٹی سی نے چودھری پرویز الٰہی کو ضمانت پر رہا کرنے کا حکم دیدیا۔