اسلام آباد(این این آئی)تحریک انصاف کے رہنما اسد عمر نے کہا ہے کہ چیئرمین پی ٹی آئی کیخلاف ہرگز وعدہ معاف گواہ نہیں بن رہا۔خصوصی عدالت میں پیشی کے موقع پر میڈیا سے گفتگو کرتے ہوئے انہوں نے کہا کہ جو الزامات بھی لگائے گئے وہ کسی کے اوپر بھی نہیں لگنے چاہئیں،ایف آئی آر پڑھ کر سنا رہے اور ابھی تک یہ نہیں پتہ کہ الزام کیا ہے۔صحافی نے اسدعمر سے سوال کیاکہ چیئرمین پی ٹی آئی سے ملنے جا رہے ہیں؟ تو انھوں نے کہا کہ پارٹی والوں کو نہیں ملنے دیا جارہا ،صرف وکلا کو ملنے کی اجازت ہے۔صحافی کے سوال ابھی بھی آپ پی ٹی آئی کا حصہ ہیں؟ پر رہنما نے کہاکہ اگر نہ ہوتا تو آج مجھ پر اتنے کیسز نہ بن رہے ہوتے،چیئرمین پی ٹی آئی کیخلاف وعدہ معاف گواہ بننے کا سوال ہی پید انہیں ہوتا۔