فاسٹ ٹریک کورٹس میں آن لائن شکایت اور ویڈیو لنک پر عدالت میں حاضری کی سہولت دستیاب ہوگی،ذرائع
اسلام آباد(این این آئی)وفاقی کابینہ کی قانون ساز کمیٹی نے سمندرپار پاکستانیوں کی جائیدادوں پر قبضے کے کیسز کے جلد فیصلے کیلئے فاسٹ ٹریک کورٹس کے قیام کی منظوری دے دی۔عدالتوں کا قیام وفاقی کابینہ کی منظوری کے بعد عمل میں آئے گا۔ذرائع کے مطابق فاسٹ ٹریک کورٹس میں آن لائن شکایت اور ویڈیو لنک پر عدالت میں حاضری کی سہولت دستیاب ہوگی۔کابینہ کی جانب سے منظور کی جانے والی فاسٹ ٹریک کورٹس مقدمات کا فیصلہ 120دنوں میں کرنے کی پابند ہوں گی۔