پشاور (این این آئی)خیبرپختونخوا میں پی ٹی آئی کے صوبائی سیکرٹریٹ کو بند کرکے پارٹی پرچم اتر دیا گیا۔تفصیلات کے مطابق تحریک انصاف کے سابق رکن صوبائی اسمبلی ارباب جہانداد کے حجرے میں قائم پی ٹی آئی سیکرٹریٹ کو بند کردیا گیا۔حجرہ اب پی ٹی آئی سرگرمیوں کیلئے استعمال نہیں ہوگا، سیکرٹریٹ سے پی ٹی آئی کا جھنڈا بھی اتار دیا گیا ہے ۔تحریک انصاف پشاور کے رہنما ارباب جہانداد نے کہا کہ 9اور 10مئی کے واقعات کے بعد ان کے ہجرے میں قائم پارٹی صوبائی سیکرٹریٹ میں پارٹی سرگرمیاں غیر فعال ہونے کی وجہ سے بند کردیا گیا ہے، پارٹی سیکرٹریٹ ملازمین بھی گرفتاری کے خوف کی وجہ سے نہیں آرہے تھے، ملازمین نے بتایا کہ نیا دفتر ڈھونڈ رہے ہیں۔