اسلام آباد (مانیٹرنگ ڈیسک) حکومت نے احتساب کے مقدمات نمٹانے کی رفتار تیز کرنے کا فیصلہ کیا ہے بالخصوص وہ مقدمات جو چھوٹے چھوٹے معاملات پر مختلف ایجنسیوں میں پڑے ہوئے ہیں۔

جنگ اخبار میں صالح ظافر  کی خبر کے مطابق وزیراعظم کے خصوصی معاون برائے احتساب عرفان قادر جنہوں نے وزیراعظم ہاؤس میں اپنے عہدے کا چارج حال ہی میں سنبھالا ہے انہوں نے ایسے احتساب کے مقدمات پر تفصیلی رپورٹ طلب کرلی ہے جو چھوٹے چھوٹے مسائل کی وجہ سےتاخیر کا شکار ہیں۔عرفان قادر کو وفاقی وزیر کا اسٹیٹس دیا گیا ہے اورانہوں نے احتساب کو ڈیل کرنے والی حکومتی ایجنسیوں کے سربراہوں کا اجلاس رواں ہفتے میں طلب کیا ہے۔

موضوعات:عرفان قادر