اسلام آباد (این این آئی)وزیر اعظم محمد شہباز شریف نے اسلام آباد سے کوئٹہ جانے والی بس کے حادثے میں قیمتی جانوں کے نقصان پر افسوس اور رنج کا اظہار کرتے ہوئے زخمیوں کو فوری اور بہترین طبی امداد پہنچانے کی ہدایت کی ہے ۔ جاری اعلامیہ کے مطابق وزیراعظم محمد شہباز شریف نے ڑوب کے قریب اسلام آباد سے کوئٹہ جانے والی بس کے حادثے پر دلی افسوس اور رنج کا اظہار کیا ہے۔انہوں نے حادثے میں جاں بحق ہونے والے افراد کے لواحقین سے اظہار تعزیت کرتے ہوئے قیمتی جانوں کے زیاں پر گہرے الم کا اظہار کیا ہے اور جاں بحق ہونے والوں کیلئے دعا اور ان کے لواحقین سے دلی ہمدردی کا اظہار کیا ہے۔مزید براں وزیرِ اعظم نے حادثے میں زخمی افراد کو فوری اور بہترین طبی امداد پہنچنے کی ہدایت کرتے ہوئے کہا کہ زخمی افراد کے علاج میں کوئی کسر نہ اٹھا رکھی جائے ۔