اسلام آباد (این این آئی)وزیرِ اعظم شہباز شریف نے کہا ہے کہ پاکستانی سفارتخانے افغان باشندوں کی موجودہ قومیت پر ویزا درخواست پراسس کریں گے،افغان ڈرائیور اور ٹرانسپورٹرز کو 48 گھنٹوں میں ایک سال تک کا ملٹی پل ویزا ملے گا۔نجی ٹی وی کے مطابق وزیرِ اعظم شہباز شریف نے کہا کہ پاکستانی سفارتخانے افغان باشندوں کی موجودہ قومیت پر ویزا درخواست پراسس کریں گے۔شہباز شریف نے کہا کہ افغان ڈرائیور اور ٹرانسپورٹرز کو 48 گھنٹوں میں 1 سال تک کا ملٹی پل ویزا ملے گا، ویزا سہولت کا مقصد پاکستان افغانستان کو قریب لانا ہے۔وزیرِ اعظم نے کہا کہ ویزا سہولت سے افغان عوام کی مدد،بزنس،سرمایہ کاری کو فروغ حاصل ہوگا۔وزیرِ اعظم شہباز شریف نے کہا کہ وزارت داخلہ کو مزید لبرل ویزا پالیسی کیلئے کام کرنے کی ہدایت کی ہے۔