اسلام آباد ( آن لائن )سربراہ نیشل کمانڈ اینڈ آپریشن سینٹر ( این سی او سی) اور وفاقی وزیر اسد عمر نے کہا ہے کہ پاکستان میں کورونا کی نئی لہر کے آثار نمایاں ہیں۔سماجی رابطوں کی ویب سائٹ ٹوئٹر پر جاری اپنے ایک پیغام میں اسد عمر کا کہنا تھا کہ ملک کورونا کی نئی لہر کے آثار نمایاں ہیں۔ سربراہ این سی او سی کا کہنا ہے کہ کراچی میں اومی کرون ویرینٹ کے کیسز میں اضافہ ہو رہا ہے۔وفاقی وزیر نے عوام سے اپیل کرتے ہوئے کہا کہ ماسک کا استعمال کورونا سے بچنیکا بہترین طریقہ ہے۔