اسلام آباد ( آن لائن )وفاقی وزیر اطلاعات و نشریات چوہدری فواد حسین نے کہا ہے کہ افغانستان میں صورتحال خراب ہو رہی ہے، خواتین اور بچے شدید ترین متاثر ہیں، افغانستان میں صورتحال مزید خراب ہوئی تو بہت بڑا انسانی المیہ جنم لے سکتا ہے، افغانستان کا مسئلہ پاکستان سمیت ایران، ازبکستان، تاجکستان سمیت دنیا کے لئے مشکل صورتحال پیدا کر سکتا ہے۔ او آئی سی اجلاس کے

موقع پر خصوصی گفتگو کرتے ہوئے وزیر اطلاعات کا کہنا تھا کہ او آئی سی وزرائ￿ خارجہ کانفرنس افغانستان کے بارے میں ایک بڑی کانفرنس ہے،افغانستان میں صورتحال خراب ہو رہی ہے، خواتین اور بچے شدید ترین متاثر ہیں، پاکستان پہلے ہی افغانستان کو 5 ارب روپے کی امداد دے چکا ہے، افغانستان کی صورتحال کو صرف پاکستان پر نہیں چھوڑا جا سکتا، دنیا کی کوئی بھی معیشت اس طرح کا بوجھ برداشت نہیں کر سکتی، افغانستان میں صورتحال مزید خراب ہوئی تو بہت بڑا انسانی المیہ جنم لے سکتا ہے،ہم نہیں چاہتے کہ افغانستان سے لوگ ہجرت کریں،افغانستان کا مسئلہ پاکستان سمیت ایران، ازبکستان، تاجکستان سمیت دنیا کے لئے مشکل صورتحال پیدا کر سکتا ہے۔ انہوں نے کہا کہ امریکہ نے افغانستان کے 9 ارب ڈالر منجمد کر رکھے ہیں، یہ رقم واپس نہیں ہوتی تو اس کے نتیجے میں بحران مزید بڑھے گا، افغانستان کو سیاسی طور پر تسلیم نہیں کیا جاتا تو کم از کم تعلیم، صحت، خوراک پر براہ راست خرچ کیا جائے ۔