اسلام آباد( آن لائن ) وزیراعظم عمران خان کی زیر صدارت وفاقی کابینہ کا اجلاس کل (منگل) کو ہوگا ۔اجلاس وزیراعظم کی زیرصدارت منگل کو وزیراعظم ہاوس میں ہو گا جس میں ملکی سیاسی و معاشی صورتحال کا جائزہ لیا جائے گا۔اجلاس میں مہنگائی سے متعلق اعدادو شمار کابینہ ارکان کے سامنے رکھے جائیں گے ،کابینہ اجلاس کا 8 نکاتی ایجنڈا جاری کر دیا گیا۔کابینہ کو وزارتوں اور
ڈویڑنز میں خالی آسامیوں بارے بریفنگ دی جائے گی۔کابینہ وزارت دفاعی پیداوار ڈویژن کی سمری پر پی او ایف اینڈ ایچ آئی ٹی بورڈ میں منسٹیریل کوآرڈینشن ممبر کی تعیناتی کی منظوری دے گی،میجر جنرل آصف حسین کو ڈی جی پاکستان رینجرز پنجاب تعیناتی کی منظوری دی جائے گی۔کابینہ میجر جنرل محمد منیر افسر کی بطور آئی جی ایف سی کے پی ساوتھ تعیناتی کی منظوری دے گی۔میجر جنرل کمال انور چوہدری کی بطور آئی جی ایف سی بلوچستان ساوتھ (تربت) کی تعیناتی بھی ایجنڈے میں شامل،دونوں آئی جیز ایف سی کی تعیناتیوں کی سمری وزارت داخلہ نے بھجوائی۔کابینہ وزارت آئی ٹی کی سمری پر ممبر الیکٹرانک سرٹیفیکیشن ایکریڈیشن کونسل کی تقرری کی منظوری دے گی۔کابینہ وزارت پاور ڈویژن کی سمری پر حیسکو کے سی ای او کو ہٹانے کی بھی منظوری دے گی۔وزارت تخفیف غربت کی جانب سے کریانہ سٹورز کو انسنٹیو دینے سے متعلق بریفنگ بھی ایجنڈے میں شامل ہے ۔کابینہ کمیٹی برائے توانائی کے فیصلوں کی توثیق بھی ایجنڈے میں شامل ہے۔
