اسلام آباد( آن لائن )وفاقی وزیرِ اطلاعات و نشریات فواد چوہدری نے کہا ہے کہ حالیہ بحران میں پاکستان کے مین اسٹریم میڈیا نے ذمے داری اور احتیاط کا مظاہرہ کیا ہے۔ سماجی رابطوں کی ویب سائٹ ٹوئٹر پر جاری ایک بیان میں وزیر اطلاعات کا کہنا تھا کہ وزارتِ اطلاعات و نشریات کی
طرف سے میڈیا کا شکریہ ادا کرنا چاہتا ہوں، سچ ذمے داری کے ساتھ بیان کرنا ہی صحافت ہے۔ وفاقی وزیرِ اطلاعات و نشریات فواد چوہدری نے یہ بھی کہا کہ اگر میڈیا ایسے بحرانوں میں ذمے داری کا مظاہرہ نہ کرے تو حکومتوں کی مشکلات بہت بڑھ سکتی ہیں۔
