لاہور (این این آئی) مسلم لیگ (ن) کے صدر شہباز شریف نے کہا ہے کہ پرویز ملک خوبصورت انسان تھے،بھروسہ مند ساتھی اور سچے پارٹی لیڈر تھے۔ اپنے ٹویٹ میں انہوںنے کہاکہ پرویز ملک پوری سیاسی زندگی میاں نواز شریف کے ساتھ کھڑے رہے ،خدا آپ کی آنے والی منزلیں آسان کرے، خدا آپ کو اپنی رحمت میں رکھے۔ پاکستان مسلم لیگ (ن)کے صدر شہبازشریف نے
قائد محمد نواز شریف کے سیکرٹری قمر الزمان کے انتقال پر رنج وغم اور افسوس کا اظہار کرتے ہوئے کہاکہ قمرالزمان کا شریف خاندان سے تعلق والد مرحوم میاں شریف کے ساتھ سے شروع ہوا تھا،انہوں نے عمر بھر محنت، دیانت، شرافت اور خلوص نیت سے کام کیا ۔اللہ تعالی مرحوم کو جنت الفردوس میں اعلی مقام عطا فرمائے اور لواحقین کو صبر جمیل دے۔ آمین
