اسلام آباد(مانیٹرنگ ڈیسک)پیپلزپارٹی کے استعفوں سے انکار اور لانگ مارچ کے ملتوی ہونے کے 24 گھنٹے بعد مریم نواز کا معنی خیز ٹویٹ،میڈیا رپورٹس کے مطابق پیپلزپارٹی کے استعفوں سے مکرنے اور پی ڈی ایم کے لانگ مارچ ملتوی ہونے کے بعد ایک دن کی مکمل خاموشی

کے بعد مسلم لیگ ن کی نائب صدر مریم نواز نے ٹوئٹ کیا جس میں کہا کہ اب سلیکٹڈ کا متبادل تیار کیا جارہا ہے، سلیکٹڈ کو فکر مند ہونا چاہیے۔مریم نواز نے مزید کہا کہ کل کا دن بالکل بھی برا نہیں تھا،جب آپ کو معلوم ہو کہ کیا ہو رہا ہے اور کس وجہ سے ہو رہا ہے،انہوں نے اپنی ایک خاتون کارکن کو بھی جواب دیا کہ وہ صرف لوگوں کے ٹویٹ لائیک نہیں کر رہیں بلکہ سیدھا جواب بھی دے رہی ہیں،اسی ٹوئٹ سے متعلق لیگی رہنما رانا ثنا اللہ نے ردعمل دیتے ہوئے کہا کہ نیا سلیکٹڈ سامنے آئے گا تو پتہ چلے گا ۔ابھی صرف انفارمیشن ہے لیکن اشارہ پیپلزپارٹی کی طرف نہیں۔ پیپلز پارٹی جمہوری جدوجہد میں پی ڈی ایم کے ساتھ ہے۔دوسری جانب پیپلز پارٹی نے دعویٰ کیا ہے کہ پاکستان ڈیموکریٹک موومنٹ میں شامل جماعتیں واضح روڈ میپ اور استعفے کے بعد کی حکمت عملی فراہم کرنے میں ناکام رہی ہیں۔پی پی پی کے سیکریٹری جنرل نیئر بخاری نے الزام عائد کیا کہ 9 جماعتوں نے پارٹی استعفوں کو لانگ مارچ سے جوڑ دیا ہے ان سے

متعدد مرتبہ اس حکمت عملی کے بارے میں پوچھا گیا جو وہ اسمبلیوں سے استعفے پیش کرنے کے بعد اختیار کریں گے لیکن وہ ہمارے سوالات کے جوابات دینے میں ناکام رہے۔نیئر بخاری نے ان خبروں کی تردید کی کہ پیپلز پارٹی استعفوں سے بھاگ رہی ہے کیونکہ اگر پارٹی نے اسٹیبلشمنٹ سے معاہدہ کیا ہوتا تو یوسف رضا گیلانی کو سینیٹ کے انتخاب میں ایسی شکست کا سامنا نہ کرنا پڑتا۔