سینٹ انتخابات تحریک انصاف کے معروف رکن اسمبلی نے ووٹ ڈالنے سے پہلے تہلکہ خیز اعلان کردیا

  بدھ‬‮ 3 مارچ‬‮ 2021  |  10:27

کراچی(مانیٹرنگ ڈیسک ، آن لائن )پاکستان تحریک انصاف کے ناراض رکن سندھ اسمبلی اسلم ابڑونے کہاہے کہ میں پیپلزپارٹی کوووٹ دونگا۔نجی ٹی وی کے مطابق پی ٹی آئی کے ناراض رکن سندھ اسمبلی اسلم ابڑو اپنا ووٹ کاسٹ کرنے کیلئے سندھ اسمبلی پہنچ گئے، اس موقع پر صحافی کے سوال آپ کا ضمیر کیا کہتا ہے سینیٹ میں کس کوووٹ دیں گے کا جوابدیتے ہوئے کہاانہوں نے کہا کہ میں پیپلزپارٹی کوووٹ دونگا۔ انہوں نے  مزید کہا کہ ہم نے الیکشن اپنے بل بوتے پر جیتا ہے، ہم پی ٹی آئی میں ہیں اور رہیں گے، چالیس کروڑ روپے ایم این


اے کو دیا ہے، اپنا ووٹ ضمیر کے مطابق دیں گے انہوں نے کہا کہ ضمیر یہ کہتا ہے کہ ووٹ ان کو نہیں دیں گے، اظہار رائے کا سب کو حق ہے۔ انہوں نے کہا کہ میں ڈھائی برس گورنر کے سامنے چلّاتا رہا کہ سندھ میں ترقیاتی کام کریں، ہمارا کوئی وفاقی وزیر دیہی سندھ میں نہیں آیا اور ہمارے ناموں تک کا انہیں علم نہیں ہے۔انہوں نے کہا کہ دیہی سندھ کو انہوں نے نظر انداز کیا، سینیئر رہنماؤں کو نظر انداز کیا۔اسلم ابڑو کا کہنا تھا کہ میں رات تک گھومتا رہا مجھ پر اغوا کا ڈرامہ رچایا گیا، یہ ڈرامہ بند کریں، یہ لوگ غیر سیاسی ہیں انہیں سیاست کا علم نہیں ہے، وزیراعظم عمران خان کو یہ سب دھوکے میں رکھتے ہیں، یہاں کوئی لیڈر نہیں ہے۔اسلم ابڑو نے کہا ہے کہ پی ٹی آئی والے ہمارے اغوا کا ڈرامہ کر رہے ہیں، ہم کوئی بچے ہیں کہ ہمیں کوئی اغوا کرے گا، سینیٹ کے انتخابات میں پرانے لوگوں کو نظر انداز کیا گیا۔اْن کا پارٹی سے ناراضی کا اظہار کرتے ہوئے کہنا تھا کہ سینئر لوگ جب جماعت میں موجود ہیں تو فیصل واوڈا کو کیوں ٹکٹ دیا۔‎


موضوعات:

زیرو پوائنٹ

اللہ ہی رحم کرے

مغل بادشاہ شاہ جہاں کے پاس ایک ترک غلام تھا‘ وہ بادشاہ کو پانی پلانے پر تعینات تھا‘ سارا دن پیالہ اور صراحی اٹھا کر تخت کے پاس کھڑا رہتا تھا‘ بادشاہ اس کی طرف دیکھتا تھا تو وہ فوراً پیالہ بھر کرپیش کر دیتا تھا‘ وہ برسوں سے یہ ڈیوٹی سرانجام دے رہا تھا اور بڑی حد تک بادشاہ ....مزید پڑھئے‎

مغل بادشاہ شاہ جہاں کے پاس ایک ترک غلام تھا‘ وہ بادشاہ کو پانی پلانے پر تعینات تھا‘ سارا دن پیالہ اور صراحی اٹھا کر تخت کے پاس کھڑا رہتا تھا‘ بادشاہ اس کی طرف دیکھتا تھا تو وہ فوراً پیالہ بھر کرپیش کر دیتا تھا‘ وہ برسوں سے یہ ڈیوٹی سرانجام دے رہا تھا اور بڑی حد تک بادشاہ ....مزید پڑھئے‎