اسلام آباد(مانیٹرنگ ڈیسک) راولپنڈی کے پوش علاقے ڈی ایچ اے میں ڈاکوئوں نے پاک فوج کے ریٹائرڈ جنرل علی محمد جان اورکزئی کے اہلخانہ کو یرغمال بنا کر گھر کا صفایا کردیا۔جنرل (ر) علی جان اورکزئی کی جانب سے درج کرائی گئی ایف آئی آر کے مطابق تین ڈاکوئوں

نے انہیں اور ان کے اہلخانہ کوایک کمرے میں محبوس کرکے گھر میں 40 سے 45 منٹ تک لوٹ مار کی۔ ڈاکو ان کے گھر سے تین لاکھ روپے نقدی ، چار لاکھ 20 ہزار روپے مالیت کے پرائز بانڈ،13 تولے طلائی زیورات لوٹ کر لے گئے ہیں۔جائے واردات پر فنگر پرنٹس نہ مل سکنے کے بعد پولیس نے جیو فینسنگ کے ساتھ ساتھ جائے واردات کے اردگرد نصب کلوز سرکٹ ٹی وی کیمروں کی فوٹیجز کی مدد سے ملزمان کی تلاش شروع کردی۔ایس ایچ او مورگاہ انسپکٹر ندیم عباس کا کہنا ہے واردات کو ٹریس کرنے کے لیے تفتیش جاری ہے اور تمام پہلوئوں کو مدنظر رکھ کر تفتیش کی جارہی ہے۔یاد رہے کہ علی محمد جان اورکزئی سابق گورنر خیبر پختونخواہ بھی رہ چکے ہیں،دوسری جانب صحافی رئوف کلاسرا کے مطابق 12 اکتوبر 1999 کو جنرل عمر جان اوکزئی اور لیفٹیننٹ جنرل (ر) محمود زبردستی وزیر اعظم ہائوس میں داخل ہوئے اور اس وقت کے وزیر اعظم نواز شریف کو گرفتار کیا تھا۔ آج ان کے ساتھ یہ سب ایک ایسے علاقے ڈی ایچ اے میں ہوا ہے جو انتہائی سخت سکیورٹی والا ہے۔