اسلام آباد(مانیٹرنگ ڈیسک)مسلم لیگ (ن) کے مرکزی رہنما اور سابق وفاقی وزیر منصوبہ بندی احسن اقبال نے کہا کہ آئی ایم ایف سے قرض کے حصول کے فیصلے میں تاخیر سے آئی ایم ایف کو اپنی شرائط منوانے کاموقع مل گیا ۔ اسے علم ہو گیا تھا کہ حکومت کے پاس اپنی شرائط منوانے کا موقع نہیں رہا ۔روزنامہ جنگ میں مہتاب حیدر کی شائع خبر کے مطابق
اگر حکومت بر وقت فیصلہ کرلیتی تو پاکستان بات چیت کر نے کے قابل ہو تا اور ملکی مفادات کا تحفظ کیاجاتا لیکن تحریک انصاف کی حکومت نے اپنے دور اقتدار کے پہلے سال میں کوئی فیصلہ نہیں کیا ، بعد ازاں حکومت کو آ ئی ایم ایف کی تمام شرائط تسلیم کر نا پڑی ۔ مالی گنجائش اس قدر محدود ہو چکی تھی کہ ترقیاتی بجٹ میں کٹوتی کر نا پڑی ۔
