لاہور( این این آئی) پاکستان مسلم لیگ(ن) کی نائب صدر مریم نواز نے کہا ہے کہ مینار پاکستان جلسے کی کامیابی اللہ تعالی کے فضل و کرم سے زبردست موبلائزیشن کا نتیجہ ہے،تمام رہنمائوں ،اراکین اسمبلی اور کارکنوںنے بہت محنت کی،آپ سب پارٹی کا سرمایہ ہیں۔

ان خیالات کا اظہار انہوںنے جاتی امراء لاہور کے اراکین قومی و صوبائی اسمبلی اور متحرک رہنمائوں کے اعزاز میں دئیے گئے ظہرانے کے موقع پر خطاب کرتے ہوئے کیا ۔اس موقع پر پرویز رشید، خواجہ سعد رفیق، سردار ایاز صادق سمیت دیگر بھی موجود تھے۔ اس موقع پر آئندہ کی حکمت عملی کے حوالے سے بھی تبادلہ خیال کیا گیا۔مریم نواز نے مینار پاکستان جلسے کی کامیابی پر پارٹی قائد نواز شریف اور صدر محمد شہباز شریف کی طرف سے تمام عہدیداران کو شاباش اور مبارکباد دیتے ہوئے ان کی کاوشوں کو سراہا۔ انہوںنے کہا کہ جلسے کو کامیاب بنانے کے لئے اراکین قومی وصوبائی اسمبلی ،سابق بلدیاتی عہدیداروںنے انتھک محنت کی جس کی بدولت ہم نے کامیابی کے تمام ریکارڈ توڑے۔اس موقع پر شرکاء نے پارٹی قائد نوازشریف کے بیانیے ”ووٹ کو عزت دو ”کا علم بلند رکھنے کے لئے کسی بھی قربانی سے دریغ نہ کرنے کا اعادہ بھی کیا۔

موضوعات:مریم نواز