اسلام آباد(مانیٹرنگ ڈیسک)نیب نے جے یو آئی (ف)کے سربراہ مولانا فضل الرحمان کے قریبی ساتھی اور سابق ڈی ایف او موسیٰ خان کو گرفتار کر لیا۔نجی ٹی وی دنیا نیوز کے مطابق نیب نے موسیٰ خان کو گرفتار کر لیا ہے ،سابق ڈی ایف او موسیٰ خان کا شمار مولانا فضل الرحمان کے قریبی ساتھیوں میں ہوتا ہے  ۔

ان کے خلاف آمدن سے زائد اثاثوں کی انکوائری نیب میں جاری ہے ۔ انہیں پشاور کے علاقے متنی سے حراست میں لیا گیاہے ۔گرفتاری کے بعد انہیں احتسا ب عدالت میں پیش کردیا گیا ہے ، یاد رہے کہ نیب نے مولانا فضل الرحمان کوبھی آمدن سے زیادہ اثاثے رکھنے کے الزام میں یکم اکتوبر کو طلب کر رکھا ہے ۔

موضوعات:موسیٰ خان مولانا فضل الرحمان