بابری مسجد کی جگہ مند ر کی تعمیر، شاہ محمود قریشی نے بڑا اعلان کر دیا

  پیر‬‮ 3 اگست‬‮ 2020  |  18:00

ملتان (این این آئی)وزیر خارجہ مخدوم شاہ محمود قریشی نے ایک بار پھر کہا ہے کہ کشمیریوں پر بھارت کا ظلم مزید برداشت نہیں کیا جا سکتا،کشمیریوں سے بھرپور اظہار یکجہتی کے لیے 5 اگست کویوم استحصال منائیں گے، سستے گھروں کے پروگرام میں پیش رفت ہوئی ہے ، بلڈرز اگلے دو تین ماہ میں 1300 ارب روپے کی سرمایہ کاری کریں گے،وزیراعظم کی جنوبی پنجاب کےاراکین قومی اسمبلی سے بات کروائی، جنوبی پنجاب کی فائل لاہور نہیں جائیگی،محرم الحرام کا مہینہ آ رہا ہے، عزاداری کا سب احترام کرتے ہیں ، ہمیں احتیاطی تقاضوں کو بھی پورا کرنا ہے۔


دربار حضرت بہائوالدین زکریا پر نماز عید کے بعد میڈیا سے بات چیت کرتے ہوئے انہوں نے کہ 5 اگست کو مقبوضہ کشمیر میں بھارتی محاصرے کو ایک سال مکمل ہو گا، کشمیریوں سے بھرپور اظہار یکجہتی کے لیے 5 اگست کویوم استحصال منائیں گے۔انہوں نے کہاکہ ملک بھر میں عید الاضحیٰ مذہبی عقیدت و احترام کے ساتھ منائی جا رہی ہے لیکن مقبوضہ کشمیر میں کمشیریوں کا جھنڈا گرایا گیا، ان پر جبر کیا گیا، آج بھی شاید جامع مسجد سری نگر میں عید کی نماز ادا نہ کی جا سکے۔انہوں نے کہا کہ بھارت بابری مسجد کی جگہ مندر تعمیر کر کے پورے امت مسلمہ کا استحصال کر رہا ہے۔شاہ محمودقریشی نے کہاکہ 5 اگست کو صبح 10 بجے کشمیریوں سے یکجہتی کیلئے ایک منٹ کی خاموشی اختیار کی جائے گی۔ وزیر اعظم کشمیر اسمبلی سے خطاب کریں گے خ صدر مملکت اسلام آباد میں ریلی کی قیادت کریں گے اور مختلف شہروں میں کشمیریوں سے یکجہتی کے لیے ریلیاں اور سیمینار ہوں گے۔وزیر خارجہ نے کہا کہ اراکین اسمبلی بھی ان سیمیناروں اور مظاہروں میں شرکت کریں گے۔وزیرخارجہ نے کہا کہ ملک میں کورونا مریضوں کی تعداد کم ہو گئی ہے لیکن اگر غفلت ہوئی تو محنت رائیگاں جا سکتی ہے۔انہوں نے کہا کہ یہ عید ماضی کی عیدوں سے مختلف ہے، قوم کو چاہیے کورونا ایس اوپیز پر عمل کریں۔ اس سال حج بھی ماضی کے حج سے بھی مختلف تھا،حاجیوں کو محدود کر دیا گیا تھا، قوم سے گزارش ہے کہ فرائض نبھائیں لیکن احتیاط کریں۔ نیا پاکستان ہاؤسنگ اسکیم کے حوالے سے بات کرتے ہوئے شاہ محمود قریشی نے کہا کہ گزشتہ روز وزیراعظم کی زیر صدارت اجلاس ہوا جس میں سستے گھروں کے پروگرام میں پیش رفت ہوئی، بلڈرز نے فیصلہ کیا ہے کہ وہ اگلے دو تین ماہ میں 1300 ارب روپے کی سرمایہ کاری کریں گے۔ اس سے پاکستانی معیشت میں استحکام آئیگا۔جنوبی پاکستان صوبے کے حوالے سے بات کرتے ہوئے انہوں نے کہا کہ جنوبی پنجاب سیکرٹریٹ بنے گا۔ وزیراعظم کی جنوبی پنجاب کے اراکین قومی اسمبلی سے بات کروائی، جنوبی پنجاب کی فائل لاہور نہیں جائیگی، تمام اختیارات حاصل ہوں گے،جنوبی پنجاب کے لیے کئی دہائیوں سے آواز اٹھائی گئی لیکن ہم نے بہت بڑی پیش رفت کی۔وزیرخارجہ نے پوری پاکستانی قوم کو مبارک باد دیتے ہوئے کہا کہ کورونا وائرس کی وبا کے باعث یہ عید بڑی آزمائش والی عید ہے۔ ہم سب نے مل کر بحیثیت قوم اس عفریت کو شکست دینی ہے۔ الحمدللہ میں اس مرض کو شکست دے چکا ہوں ۔وزیر خارجہ نے کہا کہ آپ دیکھ رہے ہیں کہ کورونا وائرس کاانفیکشن ریٹ کافی حد تک گر چکا ہے، ہسپتالوں میں مریضوں کی تعداد تیزی سے کم ہو رہی ہے، میری پوری قوم سے درخواست ہے کہ ہم نے غفلت نہیں برتنی ، ہم نے احتیاط کا دامن ہاتھ سے نہیں چھوڑنا۔ ہم نے عیدالاضحیٰ کے دوران بھی اور اس کے بعد بھی ایس او پیز کو ملحوظ خاطر رکھنا ہے ۔ انہوں نے کہا کہ محرم الحرام کا مہینہ آ رہا ہے۔ عزاداری کا سب احترام کرتے ہیں لیکن ہمیں احتیاطی تقاضوں کو بھی پورا کرنا ہے تاکہ ہم اس صورت حال سے باہر نکل سکیں۔ ان شاء اللہ پاکستانی قوم اس آزمائش سے بھی سرخرو ہو گی ۔ میری طرف سے تمام اہل وطن اور دنیا بھر میں بسنے والے مسلمانوں کو عیدالاضحٰی مبارک ہو۔


موضوعات:

زیرو پوائنٹ

سرعام پھانسی

مجھے چند سال پہلے اپنے ایک دوست کے ساتھ اس کے گاﺅں جانے کا اتفاق ہوا‘ یہ پنجاب کے ایک مشہور گاﺅں کے چودھری ہیں‘ میں ان کے مہمان خانے میں ٹھہرا ہوا تھا‘ سردیوں کے دن تھے‘ میں صبح اٹھا تو مہمان خانے کے صحن میں پنچایت ہو رہی تھی‘میں نے کھڑکی کھولی اور کارروائی دیکھنے لگا‘ ....مزید پڑھئے‎

مجھے چند سال پہلے اپنے ایک دوست کے ساتھ اس کے گاﺅں جانے کا اتفاق ہوا‘ یہ پنجاب کے ایک مشہور گاﺅں کے چودھری ہیں‘ میں ان کے مہمان خانے میں ٹھہرا ہوا تھا‘ سردیوں کے دن تھے‘ میں صبح اٹھا تو مہمان خانے کے صحن میں پنچایت ہو رہی تھی‘میں نے کھڑکی کھولی اور کارروائی دیکھنے لگا‘ ....مزید پڑھئے‎