عمران خان کل بحرین کا پہلا باضابطہ دورہ کرینگے ،اعلیٰ ترین سول ایوارڈ سے بھی نوازا جائیگا

15  دسمبر‬‮  2019

اسلام آباد (این این آئی)بحرین کے شاہ عزت مآب حمد بن عیسی بن سلمان آل خلیفہ کی دعوت پر وزیراعظم عمران خان کل پیر 16 دسمبر 2019کو بحرین کا دورہ کریں گے اوربحرین کے قومی دن کی تقریب میں مہمان اعزاز کے طورپرشرکت کریں گے ۔

ایک اعلی سطحی وفد بھی وزیراعظم کے ہمراہ ہوگا جس میں کابینہ کے ارکان کے علاوہ اعلی حکومتی حکام بھی شامل ہیں۔ ترجمان دفتر خارجہ کے مطابق وزیراعظم عمران خان کا اگست دوہزار اٹھارہ میں وزارت عظمی کا حلف اٹھانے کے بعد بحرین کا یہ پہلا دورہ ہے۔ دورہ کے دوران عزت مآب حمد بن عیسی آل خلیفہ سے ان کی بالمشافہ ملاقات ہوگی جبکہ ولی عہد سلمان بن حمدآل خلیفہ کے ساتھ وفود کی سطح پر بات چیت ہوگی۔ مذاکرات میں دونوں ممالک کے درمیان دوطرفہ تعلقات کے تمام پہلووں کے علاوہ عالمی اور علاقائی امور پر گفتگو ہوگی۔ بحرین کا اعلی ترین سول اعزاز بھی وزیراعظم عمران خان کو عطا ہوگا۔ پاکستان اور بحرین کے درمیان مشترک عقیدے و ثقافت، باہمی اعتماد اور ہم آہنگی پر مبنی قریبی خوشگوار تعلقات استوار ہیں۔ دونوں ممالک کے درمیان سیاست، تجارت، کمرشل، دفاع، عوامی رابطوں سمیت مختلف شعبہ جات میں دوطرفہ وسیع البنیاد تعلقات قائم ہیں۔ اعلی سطی دوروں کا مسلسل تبادلہ دونوں ممالک کے تعلقات کا نمایاں وصف ہے۔ پاکستان اور بحرین کے درمیان اقوام متحدہ، اوآئی سی اور جی سی سی سمیت تمام فورمز پر قریبی تعاون استوار ہے۔ ترجمان نے کہاکہ دونوں ممالک کے درمیان ادارہ جاتی سطح پر روابط قائم ہیں جس میں دوطرفہ سیاسی مشاورت اور مشترکہ وزارتی کمیشن بھی شامل ہے۔

جس کا مقصد مختلف شعبہ جات میں دو طرفہ تعاون کو فروغ دینا ہے۔ دونوں ممالک کے درمیان پارلیمانی سطح پر بھی قریبی تعاون قائم ہے۔ ایک لاکھ سے زائد پاکستانی بحرین کی سماجی واقتصادی ترقی میں اپنا بھرپور کردار ادا کررہے ہیں۔ بحرین میں مقیم یہ پاکستانی دونوں ممالک کے درمیان ایک مضبوط انسانی پل کا کام کررہے ہیں۔ وزیراعظم کے دورہ بحرین سے دونوں ممالک کے درمیان تجارت اور سرمایہ کاری مزید بڑھانے میں مددملے گی اور اس مقصد کے حصول کے لئے طریقہ ہائے کار پر غور ہوگا۔ یہ دورہ اس لحاظ سے بھی خصوصی اہمیت کا حامل ہے کہ اس کے ذریعے دونوں ممالک کے درمیان کثیرالجہتی تعلقات میں مزید قربت لانے اور تعاون تیز کرنے میں مدد ملے گی۔

موضوعات:



کالم



مشہد میں دو دن (دوم)


فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…

ہم بھی کیا لوگ ہیں؟

حافظ صاحب میرے بزرگ دوست ہیں‘ میں انہیں 1995ء سے…

مرحوم نذیر ناجی(آخری حصہ)

ہمارے سیاست دان کا سب سے بڑا المیہ ہے یہ اہلیت…

مرحوم نذیر ناجی

نذیر ناجی صاحب کے ساتھ میرا چار ملاقاتوں اور…

گوہر اعجاز اور محسن نقوی

میں یہاں گوہر اعجاز اور محسن نقوی کی کیس سٹڈیز…