اسلام آباد (این این آئی)وزیر اعظم عمران خا ن نے ہدایت کی ہے کہ زلزلہ متاثرین کی ہر طرح کی دیکھ بھال کی جائے ،تمام سہولیات فراہم کی جائیگی ،، متاثرین کو سہولیات فراہم کر حکومت کا فرض ہے ، حکومت اپنے متاثرہ کشمیری بھائیوں کو تنہا نہیں چھوڑے گی ۔
ذرائع کے مطابق وزیر اعظم کو آزاد کشمیر میں حالیہ زلزلے سے ہونے والے جانی و مالی نقصان، ریلیف کے حوالے سے جاری اقدامات اور بحالی کے لیے لائحہ عمل پر بریفنگ دی گئی ۔ وزیراعظم آزاد کشمیرراجہ فاروق حیدر خان، وزیر خارجہ شاہ محمود قریشی، وزیر امور کشمیرعلی امین گنڈا پور، چیئرمین این ڈی ایم اے بریفنگ میں موجود ھتے ۔وزیراعظم عمران خان نے زلزلے سے متاثرہ زخمیوں کی عیادت کے لئے ڈسٹرکٹ ہسپتال میر پور پہنچے اور متاثرین کی خیریت دریافت کی ۔وزیراعظم عمران خان کا اس موقع پر کہاکہ میں اقوام متحدہ میں تھا تو زلزلے کا علم ہوا، مجھے بہت دکھ ہوا، فوری طور پر آزاد کشمیر کا دورہ کرنا چاہتا تھا مگر امریکا سے واپسی میں تاخیر ہوئی۔عمران خان نے کہا کہ آزاد کشمیر اور میرپور کے لوگوں سے دلی ہمدردی ہے، حکومت متاثرین کی ہر ممکن مدد کرنا چاہتی ہے۔انہوں نے کہا کہ ہم زلزلہ متاثرین کو تنہا نہیں چھوڑیں گے، حکومت زلزلہ متاثرین کی بحالی کے لیے ایک پیکیج تشکیل دے رہی ہے۔انہوں نے کہاکہ میں اقوام متحدہ میں تھا تو زلزلے کا علم ہوااور مجھے بہت افسوس ہوا ،مجھے زلزلے کے نتیجے میں ہونے والے جانی و مالی نقصان پر آزاد کشمیر اور میرپور کے لوگوں سے دلی ہمدردی ہے،میں ان کا دکھ محسوس کرسکتا ہوں۔ انہوںنے کہاکہ حکومت متاثرین کی بحالی کے لیے ایک پیکیج تشکیل دے رہی ہے اور زلزلہ متاثرین کی لئے ہر ممکن اور فوری اقدامات اٹھائے جائیں گے۔
