اسلام آباد (مانیٹرنگ ڈیسک) وزیراعظم پاکستان عمران خان اقوام متحدہ کی جنرل اسمبلی میں تاریخی خطاب کے بعد پاکستان آنے سے قبل اہم اسلامی ملک سعودی عرب جائیں گے جہاں وہ جدہ میں سعودی ولی عہد محمد بن سلمان سے ملاقات کریں گے اور انہیں اپنے دورہ امریکہ کی تفصیلات سے آگاہ کریں گے،
اس کے بعد وزیراعظم عمران خان پاکستان کے لیے روانہ ہو ں گے، ایک نجی ٹی وی چینل کی رپورٹ کے مطابق وزیراعظم عمران خان کے واپسی کے شیڈول میں تبدیلی کی گئی ہے، وزیراعظم پاکستان کی پرواز اتوار کی شام کو پاکستان پہنچے گی، اس کے علاوہ پاکستان کے وزیر خارجہ شاہ محمود قریشی نے کہا ہے کہ ہمارا دورہ امریکہ بہت کامیاب رہا۔ وزیر اعظم عمران خان نے 70جبکہ میں نے 50ملاقاتیں کیں۔ کشمیر میں بھارت کے خلاف مزاحمت میں اضافہ ہوگا۔ پاکستانی وفد وزیر اعظم عمران خان کہ ہمراہ کمرشل فلائٹ سے پاکستان پہنچے گا۔ ہفتے کے روز نجی ٹی وی سے گفتگو کرتے ہوئے وزیر خارجہ شاہ محمود قریشی نے کہا کہ طیارے میں فنی خرابی کے باعث وزیر اعظم عمران خان اور پاکستانی وفد کمرشل پرواز کے ذریعے پاکستان پہنچے گا۔ انہوں نے کہا کہ ہمارا دورہ امریکہ انتہائی کامیاب رہا ہے۔ وزیر اعظم عمران خان عالمی رہنماؤں سے تقریباً 70ملاقاتیں کیں جبکہ میں بھی 50عالمی رہنماؤں سے ملا ہوں۔ انہوں نے کہ کہ ہمیں خدشہ ہے کہ مقبوضہ کشمیر میں خون خرابہ ہوگا اور بھارت کے خلاف مزاحمت بتدریج بڑھتی جائے گی۔ شاہ محمود قریشی نے کہا کہ بھارتی فوج نے ہفتے کے روز بھی چھ کشمیری نوجوانوں کو شہید کیا ہے۔ وزیراعظم پاکستان عمران خان اقوام متحدہ کی جنرل اسمبلی میں تاریخی خطاب کے بعد پاکستان آنے سے قبل اہم اسلامی ملک سعودی عرب جائیں گے
