اسلام آباد(مانیٹرنگ ڈیسک)طیارے میں فنی خرابی ، وزیراعظم عمران خان کے طیارے کو واپس نیویارک میں اتار لیا گیا۔نجی ٹی وی کے مطابق وزیراعظم عمران خان سعودی ولی عہد محمد بن سلمان کے طیارے میں وزیر خارجہ شاہ محمود قریشی اور دیگر رہنماؤں کے ہمراہ نیویارک سے وطن واپس آ رہے تھے کہ ٹورنٹو کے قریب طیارے میں معمولی تکنیکی خرابی پیش آئی۔ ذرائع
کے مطابق تکنیکی خرابی پیش آنے کے بعد کسی قسم کا رسک لیے بغیر طیارے کو دوبارہ نیویارک کے جان ایف کینیڈی ائیرپورٹ کی جانب موڑ لیا گیا۔جہاز کی خرابی دور نہ کی جا سکی جس کے باعث وزیراعظم عمران خان ممکنہ طور پر آج رات نیویارک میں ہی گزاریں گے۔واضح رہے کہ عمران خان 20ستمبرسے اقوام متحدہ کے اجلاس میں شرکت کے سلسلے میں امریکہ تھے۔
