اسلام آباد(مانیٹرنگ ڈیسک) وزیراعظم عمران خان نے مقبوضہ کشمیر میں کی آئینی حیثیت ختم کرنے کے بھارتی اقدام کے خلاف جرائم کی عالمی عدالت جانے کا اشارہ دے دیا۔تفصیلات کے مطابق اسپیکر قومی اسمبلی اسد قیصر کی سربراہی میں قومی اسمبلی کا مشترکہ اجلاس جارہی ہے ۔

سیشن سے خطاب کرتے ہوئے وزیراعظم عمران خان نے کہا ہے کہ بھارت نے جو کشمیر میں کیا ہے اس کا اثر ساری دنیا میں جاسکتا ہے،۔ہماری حکومت جب برسراقتدار آئی تو ہماری اولین ترجیح غربت کا خاتمہ تھی ،اس کیلئے اپنے ہمسایہ ممالک کیساتھ تعلقات بہتر کرنے کا سوچا ، حکومت میں آتے ہی بھارت کو کہا کہ آپ ایک قدم بڑھائیں ہم آپ کی جانب دو قدم بڑھائیں گے ، ، افغانستان اور ایران بھی گیا، امریکا گیا تاکہ ماضی کی چزیں ختم ہوں، سرمایہ کاری آئے اور ہم لوگوں کو غربت سے نکال سکیں۔وزیراعظم عمران خان کا مزید کہنا تھا کہ ہم ہر فورم پر لڑیں گے، اقوام متحدہ کی سیکیورٹی کونسل میں لڑیں گے، دیکھ رہے ہیں انٹرنیشنل کرمنل کورٹ میں کیسے جائیں، ہم اسے جنرل اسمبلی میں بھی اٹھائیں گے، دنیا کو بتائیں گےکہ ساری دنیا کو اس کا نقصان ہوگا، کشمیریوں کے ساتھ سارا پاکستان نہیں مسلمان دنیا کی آواز ہے، مغرب کو حقیقت کا نہیں پتا، ہم مغرب میں جاکر بتائیں گے کشمیریوں اور بھارت میں اقلیتیوں سے کیسا ظلم ہورہا ہے، یہ ویسٹرن ورلڈ قوانین کی خلاف ورزی ہورہی ہے، ہمارا کام دنیا میں اس کا اٹھانا ہے۔

موضوعات:مقبوضہ کشمیر وزیراعظم عمران خان